វេទិកាពិគ្រោះយោបល់ ដើម្បីស្វែងយល់ពីតម្រូវការ និងបញ្ហាប្រឈមនានារបស់ប្រជាពលរដ្ឋ នៅភូមិព្រៃឃ្លៃ ឃុំស្រែចែង ស្រុកជុំគិរី ខេត្ដកំពត

ព្រឹកថ្ងៃព្រហស្បតិ៍ ៨កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែមីនា ឆ្នាំ២០២៥

ឯកឧត្តម ហៀក ម៉ា សមាជិកក្រុមប្រឹក្សាខេត្តកំពត អាណត្តិទី៤  និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្រែចែង បានអញ្ជើញជាអធិបតីដឹកនាំ អង្គវេទិកាសាធារណៈពិគ្រោះយោបល់ដើម្បីស្វែងយល់ពីតម្រូវការ សំណើ សំណូមពរ  និងបញ្ហាប្រឈមនានារបស់ប្រជាពលរដ្ឋបានលើកឡើងក្នុងអង្គវេទិកា ទទួលសំណើ និងសំណូមពរពីប្រជាពលរដ្ឋស្ថិតនៅភូមិព្រៃឃ្លៃ  ឃុំស្រែចែង ស្រុកជុំគិរី នៃខេត្តកំពត។

     បានប្រព្រឹត្តទៅនាព្រឹកថ្ងៃទី០៦ ខែមីនា ឆ្នាំ២០២៥ នៅផ្ទះលោកគ្រូអាចារ្យ  អឹម នឿន ភូមិព្រៃឃ្លៃ ឃុំស្រែចែង ស្រុកជុំគិរី  ដោយមានការអញ្ជើញចូលរួមពី លោក ម៉ៅ សុភាវី លោក ឈាង មីណា  លោក ថេង បូរ៉ា លោក សាំង សៀក និងបងប្អូនប្រជាពលរដ្ឋចូលរួមចំនួន ៤៧នាក់ស្រី ២២នាក់ ក្នុងនោះថ្នាក់ជាតិគ្មាន ថ្នាក់ខេត្ត ០៣នាក់ ថ្នាក់ស្រុក០២នាក់ ថ្នាក់ឃុំភូមិ១១នាក់ ស្រ្តី០៣នាក់ ប្រជាពលរដ្ឋចំនួន៣០នាក់ ស្រ្តី១៩នាក់ ។

         ជាកិច្ចចាប់ផ្តើម លោក គ្រុយ សុភា អនុប្រធានអចិន្ត្រៃយ៍ នៃក្រុមការងាររាជរដ្ឋាភិបាលចុះមូលដ្ឋាន ឃុំស្រែចែង បានអានរបៀបវាររៈជូនដល់អង្គវេទិកា និងបទបញ្ជាផ្ទៃក្នុង។

          មានមតិបើកអង្គវេទិកាដោយ ឯកឧត្តម ហៀក ម៉ា សមាជិកក្រុមប្រឹក្សាខេត្តកំពត អាណត្តិទី៤ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្រែចែង ដែលបានអញ្ជើញជាអធិបតី ក្នុងអង្គវេទិកាសាធារណៈពិគ្រោះយោបល់ដើម្បីស្វែងយល់ពីតម្រូវការ សំណើ សំណូមពរ  និងបញ្ហាប្រឈមនានារបស់ប្រជាពលរដ្ឋ បានលើកឡើងក្នុងអង្គវេទិកាចំនួន០៧ សំណើ មានអណ្តូងទឹក២សំណើ បាត់ប្លងដី០៣សំណើ ផ្លូងបេតុង១សំណើ និង សុំបង្កោលភ្លើង១សំណើ ពីប្រជាពលរដ្ឋ និងបានដោះស្រាយនៅហ្នឹងកន្លែង០២សំណើ សល់០៥សំណើបញ្ជូនទៅថ្នាក់ស្រុក នឹងថ្នាក់ខេត្តដើម្បីដោះស្រាយបន្តជូនពុកម៉ែ មាមីងបន្ត។

ជាមួយគ្នានេះ ឯកឧត្តមប្រធានអង្គវេទិកា ក៏សូមថ្លែងអំណរគុណចំពោះការអញ្ជើញចូលរួមក្នុងអង្គវេទិកា របស់សមាជិក សមាជិកាព្រមទាំងប្រជាពលរដ្ឋទាំងអស់ដែលបានញ៉ាំងឱ្យអង្គវេទិកានេះប្រព្រឹត្តទៅប្រកបដោយភាពកក់ក្តៅ និងកាន់តែមានអត្ថន័យជិតស្និទ្ធយ៉ាងជ្រាលជ្រៅ។ 

ក្រុមការងារគ្រប់ជាន់ថ្នាក់ត្រូវបន្តសហការគ្នាឱ្យបានស្អិតរមួត ពង្រឹងសាមគ្គីភាពផ្ទៃក្នុង និងពង្រីកយុវជនដែលមានអាយុគ្រប់១៨ឆ្នាំឱ្យបានចុះឈ្មោះបោះឆ្នោត និងបោះឆ្នោតនៅឆ្នាំ២០២៧ និង២០២៨ នាពេលពេលខាងមុខ ហើយអំពាវនាវឱ្យពុក ម៉ែ មាមីង បងប្អូន បញ្ជូនកូនមានអាយុគ្រប់១៥ឆ្នាំឡើងដើម្បីធ្វើអត្តសញ្ញាណប័ណ្ណសញ្ជាតិខ្មែរឱ្យបានគ្រប់គ្នា ក្រុមការងាររាជរដ្ឋាភិបាលចុះមូលដ្ឋានឃុំស្រែចែងទាំងអស់ត្រូវបំពេញការងារជាមួយគ្នាក្នុងលក្ខណៈជាបងប្អូន  និងសូមចងចាំជានិច្ចនូវបណ្តាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីអាណត្តិទី៧ នៃព្រះរាជាណាចក្រកម្ពុជា រាជរដ្ឋាភិបាលនៅតែកំណត់យកមនុស្សជាអាទិភាពនៅក្នុងការអភិវឌ្ឍរបស់យើងតាំងពីយុទ្ធសាស្រ្តត្រីកោណរហូតដល់យុទ្ធសាស្រ្តបញ្ចកោណដំណាក់កាលទី១នេះ៕    

អាស្រ័យហេតុដូចបានគោរពជម្រាបជូនខាងលើ សូម ឯកឧត្តមប្រធាន មេត្តាជ្រាបជារបាយការណ៍ដ៏ខ្ពង់ខ្ពស់។ 

សូម ឯកឧត្តមប្រធាន មេត្តាទទួលនូវការគោរពដ៏ខ្ពង់ខ្ពស់អំពីខ្ញុំបាទ ហៀក ម៉ា៕

ដោយក្តីគោរព សូមអរគុណ!